Oʻyin va dastur studiyasi · Toshkent, Oʻzbekiston
“Tong” — quyosh ufqdan chiqishidan oldingi payt. Osmonda rang bor, lekin kun hali boshlanmagan. Biz Toshkentdagi kichik studiyamiz: oʻyin, dastur va veb-mahsulotlarni ana shunday shoshmasdan yasaymiz.
Asosiy mahsulotimiz
Oʻzbek tilidagi soʻz jumbogʻi. Harflarni bir-biriga bogʻlab soʻz yasaysiz, krossvordni toʻldirasiz va — biz uchun eng muhimi — soʻzni topgan zahotingiz uning maʼnosini oʻqiysiz.
Hozircha yopiq testda
Hozir oʻynash mumkin
Soʻzbogʻ test bosqichini tugatayotgan payt, erkin haydash oʻyinimiz allaqachon ochiq — brauzer oynasida haydab yuradigan 5×5 km Toshkent, oʻrnatish shart emas.
Biz kichik studiyamiz — koʻp narsa qilishga ulgurmaymiz. Ana shu cheklov quyidagi hamma narsani belgilab beradi.
Ilovalarimizda hamma narsa ichida: lugʻat, ovoz, shrift. Serverdan javob kutib turadigan yuklanish ekrani yoʻq, “internet yoʻq” degan devor yoʻq. Samolyot rejimida ham, metroda ham, bir chiziq signal bor qishloqda ham ishlaydi.
Hisob yoʻq, roʻyxatdan oʻtish yoʻq, email soʻralmaydi. Progressingiz qurilmangizda qoladi. Undan chiqadigan yagona narsa — Google oʻzingiz soʻragan reklamani koʻrsatishi yoki oʻzingiz qilgan xaridni rasmiylashtirishi uchun kerak boʻlgani.
Oʻzbek tilida bitta harfdek ishlaydigan, lekin ikkita belgi bilan yoziladigan harflar bor — oʻ, gʻ, sh, ch. Soʻz oʻyinimiz buni oʻzagida hisobga oladi. Haydash oʻyinimiz esa Toshkentning haqiqiy koʻchalarini qayta quradi. Farq ana shunda.
Yarim tayyor narsani chiqargandan koʻra, chiqishni kechiktirganimiz maʼqul. Birinchi oʻyinimizda bitta bosqich paydo boʻlgunicha oylab faqat lugʻat ustida ishlandi.
Nashr, buyurtma ishlari, mahalliylashtirish va matbuot boʻyicha suhbatga ochiqmiz. Studiya shunchalik kichikki, xatingiz toʻgʻridan-toʻgʻri qaror qabul qiladigan odamga boradi.
Bogʻlanish